SR: Ye wawos ba e? 
KM: Wawos e! 
KM: Wobe rob ine. 
ER: Robine oras samfur sesr eser naek benainggo nggofarem dow nggobena
mufa be au naek nggobedi au ro sup bondi, sup England iya. Kuker dow
fararyor nggobena nggokyar kaku na ras nayama rwama naek kosrow ko ma
kokam kokkunm be Manseren kobedya ro nanggi iyaswa. 
KM: isoine naek insande beyawos beponya Elihut Rumkorm i, bepau
bassi. Befnak gitarya naeko Yani Rumbiak i, be melodiya naek Sergius
Rumkorm i, vokal naek Asartiel Inggamer i, befnak gitarya Eli Rumbiak
i, ra ro aya Kumi Mofu i, nufnak juk. Do vokal e suminya Yusuf Rumere
i, do vokal e suminya wer naek Williams i, do vokal Rumawi Rumawi
Rumkorm i, Yunus Rumbiak i, Salmon Inggamer i, Raymond Rumere i,
Frengki Usior i. Nggorya kwar boi dow nane nggofarem na be au
insamande ras nayama mgorama kofarsrow ko ra rob mun mandira nggodisn
ine. Tabea mu fa. 
HM: Imbo a imande beba banirya boi imbo ipar banya ido. 
WM: Fawar mop ari. 
KM: Oh tabea mufa yob ipar au. 
HM: Hannah Snari. 
KM: Hannah snari. Dow nane nggodisn na nggokyar kaku na raso ido
mgokyam ma kosrow ko ro mnu nane. Bapa i, mama su, nggokyar kaku na
mgorama. 
KM: Beee malam bae mufa beyo iparo Hannah snam au. Wobo nggofarem mop
rya. Mop o yafawar fa kombrif kam ro arwo ke mesr ke mandira ke. Inja
mop i moprya 
isoine: Fafisu ya siwarki yo mansar Manggaprowi, bapatua i. Imbare e
sobo fyarem ker robean munde be yo mansar Konsupi ro sup. Imbarya
tentara srama sifukn nja sisewar rao sismai indo sifukn i. Sifukn i
boi bapatua Manggaprow dakfawi o wos o Indonesia kermgun kermgun boi
rya sobo kaki kapala ke. Imbare dawos kwar. Suni rao pos ido sifukn
i. Sifukn i bo sobo, "Bapa yang kasih makan Indo bapatua kyarm bo
dobo, "Bukan". 
HA: "Ah bapa tipu bapa yang pasti kasih makan." "Ini ada laporan dari
kepala desa bapa kemarin ada kasih makan untuk bapa Konsup." 
BM: "Tidak saya tidak kasih makan."  
HA: "Bapa tipu." 
BM: Tidak. 
HA: Ah bapa tipu. 
BM: "Tidak!." 
HA: "Bapa bohong."  
BM: "Iya!."  
KM: Kyarm iya fa skor i ma skorip i fa imbran baberi. Mbe bebur randa
ro mnu ido ryama ro Bosnik isrow bapa i, almarhum. Isrow bapa inja,
almarhum Isak i. Isrow bapa inja fyar fa bapa dakrower. Inja bapa
ifukn i 
IM: "Imbo ro sai efnai fa skorip au besyani?" Indo bapatua dobe, "a
imbo iryama wos Melayu na yafawi na kam rao wos kermkun sobe bohon ker
ne i yakfawi ba." 
BM: Skokofn bo skob e bohon ja yakarm bo yobe ya. 
BM: Yobe ra da bohon ido tidak. 
BM: Yakarm fa yobe iya rya iso ima yakofn ya imbarya skorab aya fa ima
yambran baberi. Inja iya.  Mura bapa Isak dobe bohon ido sama saja
kamu tipu. 
BM: Mboi yakarm iya fa ima skorip aya fa yamam boi yambran fa. 
KM: Ne mop ya isya wer. Guru Banci. Guru Inggamer i. Yakor i be tete
rya yakmam i rye yafar i ma muyakmbrif ari. Inde ro dawos na dawos be
banci boi dawos ra dine 
dobe: Rya ma ifukn mama i. Dobe mama. Dor be mama bape kaka. Dobe,
"Kaka kira-kira bisa ido buk o saran usul pendapat atau masukan ma
yakfarkor o bar bin ansiyas u."  Trus mama tanya "bar bin di sai siri"
"Ibu ibu yang mana?" Indo guru Simon dobo, "Wafukn sei si? Saudara
saudara kita yang di pulau sana. Mios Mangguandi. Ibu ibu kita di Myos
Mangguandi beakbe PKK. Ibu ibu PKK ansi. Jadi saya kasih latihan
kursus, sulam menyulam, jahit menjahit, menjahit taplak meja. Boi
sebentar saya toki loncing mereka dengar tapi malas tau jadi yabe
pikir boi tidak bisa skali. Jadi bagaimana ya? Saya sudah siap
rotan. Yabe siap warar ya kwar ma yobe yakrab si tapi tidak sampe hati
yamun si kukro mereka juga saudara saudara saya. Irya kwar
monda. Tabea mu fa boi kombrif boi irya kwar. Inja mop ine Kumi i aya,
aya ebefar i. Irya kwar. Tabea mu fa. Nggofar do yo nggofar e trus
lagu yo e... nggodisn insanja nana nakame nggodisn na ro Manuren. Bapa i
mansar i ro yo Manuren. Ba yo mamasu. Nggodisen do yo rumi
dori. Nggoberekam. Imbare irya kwar monda.